15 сентября в Неделю 12-ю по Пятидесятнице, празднование Собора Саратовских святых, в храме святителя Николая Чудотворца была совершена Божественная литургия. Богослужение совершил клирик храма иерей Алексий Пруцков. По окончании Литургии было совершено славление празднику.
По завершении Литургии протоиерей Николай Логинов совершил заупокойную литию.
Накануне воскресного дня иерей Алексий Пруцков совершил Всенощное бдение.
Тропарь Собору святых, в земле Саратовской просиявших
глас 5
Днесь да празднует земля Саратовская / и да красуется песненными добротами, / яко ныне прииде день всекрасного торжества, / память общая святых, произшедших от нея: / святителей честных и дивных праведников, / мучеников допропобедных и преподобных отцев, / имже ныне с верою вси возопиим: / о полче пресветлый и богоизбранный, / не оставите вашими святыми молитвами // иже на земли память вашу совершающих.
Кондак Собору святых, в земле Саратовской просиявших
глас 8
Избранным от земли нашея, / яко великим угодником Христовым, / вам, о вси святии Саратовстии,/похвальное пение приносим днесь. / Вы же, у престола Господня предстоящии, / от всяких нас бед избавите молитвами вашими, да зовем вам: // радуйтеся, святии вси Саратовстии, земли нашея небеснии предстателие.
Молитва Собору святых, в земле Саратовской просиявших
О божественный сонме крепкодушных страдальцев, новомученицы добропобеднии земли Саратовския! К вам, яко сродником нашим, ныне прибегаем, в день вашего общего торжества, и усердно молим: не оставите предстательством своим землю сию, юже кровьми своими страдальческими обагрили есте. Терпение изрядное во страдании своем показавшии, испросите нам у Господа мужества дар, во еже не уклонятися нам от пути заповедей Христовых, егда приидет и нам час испытаний нечаянных. Уста своя оградившия от льсти и глаголаний ложных, оградите сердца наша от помышлений суетных и ложных, по действу диаволю в нас порождаемых. Паству свою не оставившия во дни лютых обстояний, укрепите и ныне пастырей наших во еже право правити слово Христовой истины. Церкви Православныя не отвергшиеся, помозите ныне нам, ересьми и расколы обуреваемым, да и мы пребудем выну во ограде двора овчаго и да будем едино стадо Единаго Пастыря. Прешедшии поприще земнаго вашего течения непостыдно и венцы победными увенчанныя во Царствии Небеснем, испросите у Господа и нам поможения на пути нашего многоскорбнаго жития, да прешедше порог смертный, возможем внити в светлый оный и неизглаголанный чертог, егоже уготовал Господь любящим Его, и тамо купно с вами прославим пречестное и великолепое Имя Отца и Сына и Святаго Духа, Троицы Единосущныя и Неразделимыя, во веки веков. Аминь.